ភូមា -
អត្ថបទចុះផ្សាយនៅថ្ងៃ អាទិត្យ 25 សីហា 2013 -
ព័ត៌មានទើបកែប្រើលើកចុងក្រោយ ថ្ងៃ អាទិត្យ 25 សីហា 2013
ក្មេងប្រុស
តូចម្នាក់នេះ កំពុងរើសកំទេចកំទីរបស់របរដែលសល់ពីភ្លើងឆេះ។
អគ្គិភ័យដែលបង្កដោយពុទ្ធសាសនិកជនភូមា នៅតំបន់សាហ្កាំង
ភាគពាយព្យ។
REUTERS/Soe Zeya Tun
កុប្បករពុទ្ធសាសនិកភូមា បានដុតបំផ្លាញផ្ទះប្រមាណ៣៨ខ្នង
កន្លែងលក់ដូរ៩កន្លែង និងរោងចក្រអង្ករមួយកន្លែង
កាលពីល្ងាចថ្ងៃសៅរ៍កន្លងទៅ។ ព្រឹត្តិការនេះបានកើតឡើង
បន្ទាប់ពីប៉ូលិសបានចាប់ខ្លួនបុរសកាន់សាសនាអ៊ីស្លាមមួយរូប
ជាប់សង្ស័យពីបទបានព្យាយាមរំលោភស្ត្រី
កាន់ពុទ្ធសាសនាម្នាក់ នៅភូមិកាន់បាលូ តំបន់សាហ្កាំង ស្ថិតនៅភាគពាយព្យភូមា។
យោងតាមប៉ូលិស បន្ទាប់ពីមានការចាប់ខ្លួននោះមក ពុទ្ធសាសនិកប្រមាណជា១៥០នាក់បាននាំគ្នាមកប្រមូលផ្តុំ នៅមុខស្នងការប៉ូលិស បង្ខំអោយប៉ូលិសប្រគល់ខ្លួនបុរសរូបនេះអោយពួកគេ។ ដោយឃើញថា ប៉ូលិសគ្មានប្រតិកម្មអ្វីតបតទៅនឹងការទាមទារនេះ ពួកគេក៏បាននាំគ្នាដុតបំផ្លាញទីកន្លែងលក់ដូរ និងផ្ទះសម្បែងទាំងនោះទៅ។ ប៉ូលិសគិតថា ទីកន្លែងទាំងនោះគឺជាកម្មសិទ្ធិរបស់អ្នកកាន់សាសនាអ៊ីស្លាម។ ជាសំណាងល្អ ការបះបោររបស់អ្នកកាន់ពុទ្ធសាសនាទាំងអស់នេះ មិនបានបង្កអោយមានមនុស្សរបួសឡើយ។
នៅក្នុងប្រទេសភូមា ដែលប្រជាជនភាគច្រើនគោរពប្រណិបត្តិសាសនាព្រះពុទ្ធនោះ អំពើហិង្សារវាងសហគមន៍អ្នកកាន់ពុទ្ធសាសនា និងអ្នកកាន់សាសនាអ៊ីស្លាម តែងតែកើតមាន ពិសេសគឺហិង្សាដែលពុទ្ធសាសនិកភូមា ធ្វើឡើងប្រឆាំងអ្នកកាន់សាសនា អ៊ីស្លាមតែម្តង។ កាលពីឆ្នាំ២០១២ អំពើហិង្សាជាច្រើនរវាងពុទ្ធសាសនិកជន និងអ្នកកាន់សាសនាអ៊ីស្លាមរ៉ូហ៊ីងយ៉ាស ក្នុងរដ្ឋរ៉ាក់ឃីន បានបង្កអោយមានមនុស្សស្លាប់ជាង២០០នាក់ និង១៤ម៉ឺននាក់ទៀតភៀសខ្លួន។ ក្នុងខែមិនាកន្លងទៅ នៅក្រុងMektila ស្ថិតនៅភាគកណ្តាលប្រទេស អំពើហិង្សាជាច្រើនប្រឆាំងនឹងអ្នកកាន់សាសនាអ៊ីស្លាម បានសម្លាប់មនុស្សជាង១០នាក់។
កាលពីពេលថ្មីៗនេះ លោក Tomas Ojea Quintana ជាបេសកជនមួយរូបដែលអង្គការសហប្រជាជាតិបញ្ជូនទៅភូមានោះ បានចោទរដ្ឋាភិបាលភូមាថា មិនបានបំពេញកាតព្វកិច្ច ការពារសុវត្ថិភាពរូបលោក ព្រោះថាកាលពីថ្ងៃ១៩សីហាកន្លងទៅ នៅក្រុងMektila នេះដែរ ក្បួនដំណើររបស់លោក បានរងនូវការវាយប្រហារពីហ្វូងមនុស្ស២០០នាក់។
អង្គការសិទ្ធិមនុស្សនានាបានចោទរដ្ឋាភិបាលភូមា ថាគ្មានសមត្ថភាព និងគ្មានបំណងទប់ស្កាត់អំពើហិង្សាសោះឡើយ។ អាជ្ញាធរភូមាបានបដិសេធការចោទប្រកាន់នេះទាំងស្រុង៕
កាន់ពុទ្ធសាសនាម្នាក់ នៅភូមិកាន់បាលូ តំបន់សាហ្កាំង ស្ថិតនៅភាគពាយព្យភូមា។
យោងតាមប៉ូលិស បន្ទាប់ពីមានការចាប់ខ្លួននោះមក ពុទ្ធសាសនិកប្រមាណជា១៥០នាក់បាននាំគ្នាមកប្រមូលផ្តុំ នៅមុខស្នងការប៉ូលិស បង្ខំអោយប៉ូលិសប្រគល់ខ្លួនបុរសរូបនេះអោយពួកគេ។ ដោយឃើញថា ប៉ូលិសគ្មានប្រតិកម្មអ្វីតបតទៅនឹងការទាមទារនេះ ពួកគេក៏បាននាំគ្នាដុតបំផ្លាញទីកន្លែងលក់ដូរ និងផ្ទះសម្បែងទាំងនោះទៅ។ ប៉ូលិសគិតថា ទីកន្លែងទាំងនោះគឺជាកម្មសិទ្ធិរបស់អ្នកកាន់សាសនាអ៊ីស្លាម។ ជាសំណាងល្អ ការបះបោររបស់អ្នកកាន់ពុទ្ធសាសនាទាំងអស់នេះ មិនបានបង្កអោយមានមនុស្សរបួសឡើយ។
នៅក្នុងប្រទេសភូមា ដែលប្រជាជនភាគច្រើនគោរពប្រណិបត្តិសាសនាព្រះពុទ្ធនោះ អំពើហិង្សារវាងសហគមន៍អ្នកកាន់ពុទ្ធសាសនា និងអ្នកកាន់សាសនាអ៊ីស្លាម តែងតែកើតមាន ពិសេសគឺហិង្សាដែលពុទ្ធសាសនិកភូមា ធ្វើឡើងប្រឆាំងអ្នកកាន់សាសនា អ៊ីស្លាមតែម្តង។ កាលពីឆ្នាំ២០១២ អំពើហិង្សាជាច្រើនរវាងពុទ្ធសាសនិកជន និងអ្នកកាន់សាសនាអ៊ីស្លាមរ៉ូហ៊ីងយ៉ាស ក្នុងរដ្ឋរ៉ាក់ឃីន បានបង្កអោយមានមនុស្សស្លាប់ជាង២០០នាក់ និង១៤ម៉ឺននាក់ទៀតភៀសខ្លួន។ ក្នុងខែមិនាកន្លងទៅ នៅក្រុងMektila ស្ថិតនៅភាគកណ្តាលប្រទេស អំពើហិង្សាជាច្រើនប្រឆាំងនឹងអ្នកកាន់សាសនាអ៊ីស្លាម បានសម្លាប់មនុស្សជាង១០នាក់។
កាលពីពេលថ្មីៗនេះ លោក Tomas Ojea Quintana ជាបេសកជនមួយរូបដែលអង្គការសហប្រជាជាតិបញ្ជូនទៅភូមានោះ បានចោទរដ្ឋាភិបាលភូមាថា មិនបានបំពេញកាតព្វកិច្ច ការពារសុវត្ថិភាពរូបលោក ព្រោះថាកាលពីថ្ងៃ១៩សីហាកន្លងទៅ នៅក្រុងMektila នេះដែរ ក្បួនដំណើររបស់លោក បានរងនូវការវាយប្រហារពីហ្វូងមនុស្ស២០០នាក់។
អង្គការសិទ្ធិមនុស្សនានាបានចោទរដ្ឋាភិបាលភូមា ថាគ្មានសមត្ថភាព និងគ្មានបំណងទប់ស្កាត់អំពើហិង្សាសោះឡើយ។ អាជ្ញាធរភូមាបានបដិសេធការចោទប្រកាន់នេះទាំងស្រុង៕
