ការ​​ទាមទារ​របស់​គណបក្ស​ប្រឆាំង​អូស្ត្រាលី ​​ប្រឆាំង​ទៅ​នឹង​វិធានការ​ថ្មី​ហាមឃាត់​មិន​​ឲ្យ​ថត​នារី​មាន​​សុដន់​តូច​ដាក់​លើ​បណ្ដាញ​ផ្សព្វផ្សាយ​របស់​ខ្លួន​មិន​ទាន់​ចប់​ផង ​ស្រាប់​តែ​នៅ​ពេល​នេះ ​មាន​អ្នកនយោបាយ​មួយ​រូប​ទៀត ​បាន​អះអាង​ថា ៥០%​នៃ​ស្ត្រី​ពេស្យាចារ​អូស្ត្រាលី​​គឺ​ជា​និស្សិត​។
​ការ​អះអាង​ខាងលើ​នេះ ​បាន​ធ្វើ​ឲ្យ​មាន​ការ​ភ្ញាក់ផ្អើល​ដល់​សមាជិក​សភា​ប្រទេស​នេះ បន្ទាប់​ពី​អ្នកស្រី Patricia Petersen ដែល​ជា​​ប្រធាន​គណបក្ស​ប្រឆាំង​ឯករាជ្យ​​អូស្ត្រាលី (AIP) និង ជា​សាស្ត្រាចារ្យ​ផ្នែក​សេដ្ឋកិច្ច​ និង​នយោបាយ​​មួយ​រូប​​បាន​
បញ្ចេញ​របាយការណ៍​ស្ទាបស្ទង់​មតិ​មួយ​លើ​និស្សិត​ ៥០០​នាក់​។
​​អ្នកស្រី​បាន​ផ្ដល់​របាយការណ៍​ខាងលើ​នេះ ​ទៅ​ដល់​សារព័ត៌មាន​​ជា​ច្រើន​ដោយ​និយាយ​ថា ​​និស្សិត​​ទាំង​នោះ​​ពិត​ជា​បាន​​និយាយ​ដោយ​​​គ្មាន​លាក់លៀម​​ថា ​ពួកគេ​ពិត​ជា​បាន​រួមចំណែក​​​​ស្វែងរក​ប្រាក់​ចំណូល​​តាម​រយៈ​មុខរបរ​នោះ​ប្រាកដ​មែន ក្នុង​​ពេល​ដែល​​​អ្នកស្រី​​​ធ្វើ​បទសម្ភាសន៍​​​ជា​មួយ​ពួកគេ​នៅ​សាកលវិទ្យាល័យ​ Melbourne។
​ជា​អ្នក​នយោបាយ​មួយ​រូប​ដែល​ល្បីល្បាញ​ខាង​សរសេរ​អត្ថបទ​​ទាក់ទិន​​ទៅ​នឹង​ស្ថានភាព​មុខរបរ​រក​ស៊ី​ផ្លូវ​ភេទ​​​អស់​រយៈ​ពេល​ជាច្រើន​ឆ្នាំ​មក​នេះ​ អ្នក​ស្រី​បាន​បង្ហាញ​ពី​ភាព​ឯករាជ្យ​​របស់​ខ្លួន​លើ​​ការ​បញ្ចេញ​របាយការណ៍​​ប្រកប​ដោយ​មូលដ្ឋាន​ច្បាស់​លាស់​ដល់​រដ្ឋាភិបាល​អូស្ត្រាលី ដើម្បី​​​​​​ស្នើសុំ​ឲ្យ​សមាជិក​សភា​ទាំងអស់​ធ្វើ​ការ​ពិចារណា​លើ​​ភស្តុតាង​ដែល​អ្នកស្រី​បាន​លើកឡើង​នៅ​ពេល​នេះ។
គេ​មិន​ទាន់​ឃើញ​មាន​​ប្រតិកម្ម​យ៉ាងណា​នៅ​ឡើយ​ទេ​​ ពី​​ប្រមុខ​រដ្ឋាភិបាល​សហព័ន្ធ​ ក៏ប៉ុន្តែ​សាធារណជន​ទូទៅ​​បាន​បាន​យល់​ឃើញ​ថា ការ​លើកឡើង​របស់​អ្នកស្រី Patricia ​នៅ​ពេល​នេះ​គឺ​គ្រាន់​តែ​ចង់​ទាក់ទាញ​ប្រជាប្រិយភាព​​ពី​ប្រជាពលរដ្ឋ​របស់​ខ្លួន​ ដែល​ភាគ​ច្រើន​ជា​និស្សិត​ឲ្យ​គាំទ្រ​អ្នកស្រី​សម្រាប់​ការបោះឆ្នោត​នៅ​​​ថ្ងៃ​ទី​៧ ខែ​កញ្ញា​ក្រោយ​នេះ​តែប៉ុណ្ណោះ៕​​​​
អ្នកស្រី Patricia Petersen
ប្រែសម្រួល៖ Narin
ប្រភព៖ elitedailyរួបភាព៖ news