នៅមានការខ្វែងគំនិតគ្នានៅឡើយ ទាក់ទងនឹងការប្រើប្រាស់ស្រោមអនាម័យក្នុងចំណោមយុវជនខ្មែរ ដែលនិយមប្រឡូកនឹងការរួមភេទ
ជាមួយដៃគូច្រើន។ យុវជនខ្លះយល់ថា
ការប្រើស្រោមតែមួយជាន់គឺមានសុវត្ថិភាពណាស់ទៅហើយ
តែយុវជនខ្លះបែរជាយល់ថា
ការប្រើប្រាស់មួយជាន់មិនទាន់គ្រប់គ្រាន់ទេ
ប្រើស្រោមច្រើនជាន់ សុវត្ថិភាពកាន់តែខ្ពស់។
យុវជន ឆេង វិច្ឆិកា អាយុ២៥ឆ្នាំ ជានិស្សិតនៃសាកលវិទ្យាល័យមួយនៅរាជធានីភ្នំពេញ បានឲ្យដឹងថា៖ “បើតាមបទពិសោធន៍ខ្ញុំកន្លងមក ខ្ញុំគិតថាប្រើតែមួយជាន់ទៅបានហើយ វាគ្មានទៅកើតអីទេ ប៉ុណ្ណឹង
សុវត្ថិភាពណាស់ទៅហើយ។ តាំងពីខ្ញុំប្រឡូករឿងរួមភេទមក មិនដែលប្រើស្រោមពីរ ឬបីជាន់ដូចគេទេ”។
វិច្ឆិកា បានបន្ថែមឲ្យដឹងទៀតថា៖ “បើតាមខ្ញុំដឹង ដូចជាគ្មានការណែនាំណាឲ្យប្រើប្រាស់ពីរ ឬបីជាន់អីចឹងទេ”។
មានទស្សនៈមិនខុសពីយុវជនខាងលើ យុវជន ម៉េងឡុង ជាអ្នកថតរូបសំអាងការបានប្រាប់ឲ្យដឹងថា៖ ” អ្នកខ្លះយល់ថា ប្រើពីរបីជាន់ទើបសុវត្ថិភាព តែខ្ញុំមិនគិតអីចឹងទេ។ ប្រើតែមួយទៅវាគ្រប់គ្រាន់ហើយ។ ខ្ញុំយល់ថា ប្រើច្រើនជាន់ងាយប្រឈមនឹងគ្រោះថ្នាក់ទៅវិញទេ ព្រោះវាអាចចូលខ្យល់ ឬផ្ទុះរហែកបាន”។
ទោះបីជាយ៉ាងណា សម្រាប់យុវជន កុសល អាយុ២៧ឆ្នាំ ជាជាងជួសជុលរថយន្តបាននិយាយថា៖ ” ពេលរួមភេទនៅខាងក្រៅម្ដងៗ ខ្ញុំខ្លាចឆ្លងរោគណាស់ ហេតុនេះហើយខ្ញុំតែងតែពាក់ស្រោមពីរជាន់រាល់ពេលប្រតិបត្តិការលើ គ្រែ។ ណាមួយប្រើច្រើនជាន់ វាសុវត្ថិភាពជាងមួយជាន់ បើបែកមួយជាន់ក៏នៅមួយជាន់ទៀតដែរ”។
ទាក់ទងទៅនឹងបញ្ហានេះ លោក ម៉ៅ វណ្ណៈ ប្រធានបណ្ដុះបណ្ដាលនៃគ្លីនិករ៉ាក់ បានប្រាប់ឲ្យដឹងថា៖ “យល់ល្អ គួរប្រើប្រាស់ស្រោមតែមួយជាន់ គឺវាគ្រប់គ្រាន់សម្រាប់ការពារជំងឺកាមរោគ ជំងឺអេដស៍ និង ការមានផ្ទៃពោះបានហើយនៅពេលរួមភេទ កត្តាដែលសំខាន់នោះគឺត្រូវចេះជ្រើសរើសស្រោមណាដែលសុវត្ថិភាព ជៀសវាងប្រើស្រោមណាដែលខូចគុណភាព ឬទុកចោលយូរ”។
អ្នកជំនាញដដែលរូបនេះបានបន្ថែមឲ្យដឹងទៀតថា៖ “ចំពោះការប្រើប្រាស់ស្រោមច្រើនជាន់ក្នុងការរួមភេទវិញ ស្ដាប់ទៅហាក់ដូចជាមានសុវត្ថិភាពណាស់ ប៉ុន្តែតាមការពិតគឺជាការយល់ខុសទាំងស្រុង។ ការប្រើស្រោមពីរជាន់អាចជាបញ្ហាប្រឈមទៅវិញ ព្រោះពេលកំពុងដំណើរការអាចបណ្ដាលឲ្យមានការកកិតគ្នារវាងស្រោម និងស្រោម ធ្វើឲ្យបែកបាន តែបើប្រើមួយជាន់វិញគឺមិនងាយកកិតបែកទេ”។
ចុះមានមិត្តយុវវ័យណានៅយល់ច្រឡំនៅឡើយទាក់ទងនឹងការប្រើប្រាស់ស្រោមនេះទៀតទេ?
អត្ថបទ៖ យិន សំបូរ
រូបថត៖ abovethelaw
យុវជន ឆេង វិច្ឆិកា អាយុ២៥ឆ្នាំ ជានិស្សិតនៃសាកលវិទ្យាល័យមួយនៅរាជធានីភ្នំពេញ បានឲ្យដឹងថា៖ “បើតាមបទពិសោធន៍ខ្ញុំកន្លងមក ខ្ញុំគិតថាប្រើតែមួយជាន់ទៅបានហើយ វាគ្មានទៅកើតអីទេ ប៉ុណ្ណឹង
សុវត្ថិភាពណាស់ទៅហើយ។ តាំងពីខ្ញុំប្រឡូករឿងរួមភេទមក មិនដែលប្រើស្រោមពីរ ឬបីជាន់ដូចគេទេ”។
វិច្ឆិកា បានបន្ថែមឲ្យដឹងទៀតថា៖ “បើតាមខ្ញុំដឹង ដូចជាគ្មានការណែនាំណាឲ្យប្រើប្រាស់ពីរ ឬបីជាន់អីចឹងទេ”។
មានទស្សនៈមិនខុសពីយុវជនខាងលើ យុវជន ម៉េងឡុង ជាអ្នកថតរូបសំអាងការបានប្រាប់ឲ្យដឹងថា៖ ” អ្នកខ្លះយល់ថា ប្រើពីរបីជាន់ទើបសុវត្ថិភាព តែខ្ញុំមិនគិតអីចឹងទេ។ ប្រើតែមួយទៅវាគ្រប់គ្រាន់ហើយ។ ខ្ញុំយល់ថា ប្រើច្រើនជាន់ងាយប្រឈមនឹងគ្រោះថ្នាក់ទៅវិញទេ ព្រោះវាអាចចូលខ្យល់ ឬផ្ទុះរហែកបាន”។
ទោះបីជាយ៉ាងណា សម្រាប់យុវជន កុសល អាយុ២៧ឆ្នាំ ជាជាងជួសជុលរថយន្តបាននិយាយថា៖ ” ពេលរួមភេទនៅខាងក្រៅម្ដងៗ ខ្ញុំខ្លាចឆ្លងរោគណាស់ ហេតុនេះហើយខ្ញុំតែងតែពាក់ស្រោមពីរជាន់រាល់ពេលប្រតិបត្តិការលើ គ្រែ។ ណាមួយប្រើច្រើនជាន់ វាសុវត្ថិភាពជាងមួយជាន់ បើបែកមួយជាន់ក៏នៅមួយជាន់ទៀតដែរ”។
ទាក់ទងទៅនឹងបញ្ហានេះ លោក ម៉ៅ វណ្ណៈ ប្រធានបណ្ដុះបណ្ដាលនៃគ្លីនិករ៉ាក់ បានប្រាប់ឲ្យដឹងថា៖ “យល់ល្អ គួរប្រើប្រាស់ស្រោមតែមួយជាន់ គឺវាគ្រប់គ្រាន់សម្រាប់ការពារជំងឺកាមរោគ ជំងឺអេដស៍ និង ការមានផ្ទៃពោះបានហើយនៅពេលរួមភេទ កត្តាដែលសំខាន់នោះគឺត្រូវចេះជ្រើសរើសស្រោមណាដែលសុវត្ថិភាព ជៀសវាងប្រើស្រោមណាដែលខូចគុណភាព ឬទុកចោលយូរ”។
អ្នកជំនាញដដែលរូបនេះបានបន្ថែមឲ្យដឹងទៀតថា៖ “ចំពោះការប្រើប្រាស់ស្រោមច្រើនជាន់ក្នុងការរួមភេទវិញ ស្ដាប់ទៅហាក់ដូចជាមានសុវត្ថិភាពណាស់ ប៉ុន្តែតាមការពិតគឺជាការយល់ខុសទាំងស្រុង។ ការប្រើស្រោមពីរជាន់អាចជាបញ្ហាប្រឈមទៅវិញ ព្រោះពេលកំពុងដំណើរការអាចបណ្ដាលឲ្យមានការកកិតគ្នារវាងស្រោម និងស្រោម ធ្វើឲ្យបែកបាន តែបើប្រើមួយជាន់វិញគឺមិនងាយកកិតបែកទេ”។
ចុះមានមិត្តយុវវ័យណានៅយល់ច្រឡំនៅឡើយទាក់ទងនឹងការប្រើប្រាស់ស្រោមនេះទៀតទេ?
អត្ថបទ៖ យិន សំបូរ
រូបថត៖ abovethelaw
