កំពង់ស្ពឺ
៖ រថយន្តចំនួន៣គ្រឿង បានបើកបុកគ្នាបន្តបន្ទាប់
ធ្វើឲ្យក្រឡាប់ និងធ្លាក់ផ្លូវចូលដល់លំនៅដ្ឋានប្រជាពលរដ្ឋ
បណ្ដាលឲ្យមានមនុស្សដែលជិះក្នុងឡានរងរបួសធ្ងន់
និងស្រាលជាច្រើននាក់។
ករណី
គ្រោះថ្នាក់ចរាចររថយន្តបុកបន្តគ្នានេះ បានកើតមានឡើង
កាលពីវេលាម៉ោង១៥ នាទីរសៀល ថ្ងៃទី២៧ ខែសីហា ឆ្នាំ២០១៣នេះ
ស្ថិតលើផ្លូវជាតិលេខ៤ ត្រង់ចំណុចភូមិវល្លិស ឃុំវល្លិស
ស្រុកសំរោងទង ខេត្តកំពង់ស្ពឺ។ ចំពោះករណីគ្រោះថ្នាក់ចរាចរនេះ
ពុំទាន់មានរបាយការណ៍ជាក់លាក់ស្តីពី មនុស្សស្លាប់នៅឡើយទេ
គ្រាន់តែដឹងថាមានអ្នករងរបួសជាច្រើននាក់
ត្រូវបានបញ្ជូនទៅកាន់មន្ទីរពេទ្យបង្អែកខេត្តកំពង់ស្ពឺ
ដើម្បីជួយសង្គ្រោះអាយុជីវិត។
មន្ត្រីប៉ូលិសចរាចរ ស្រុកសំរោងទង បានប្រាប់ឲ្យដឹងថា រថយន្តដែលរងគ្រោះបុកគ្នាទាំង៣គ្រឿងនោះ ទី១. ម៉ាកលុចស៊ីស RX300 ពណ៌ខ្មៅ ពាក់ស្លាកលេខភ្នំពេញ 2H.5328 អ្នកបើកបរមិនទាន់ស្គាល់ឈ្មោះមានជិះគ្នាច្រើននាក់ ទី២.ម៉ាក
លុចស៊ីស ពណ៌ពងមាន់អ្នករួមដំណើរមិនដឹងចំនួន
រថយន្តទាំង២គ្រឿងធ្វើដំណើរមកពីទិសខាងកើតទៅលិច។ ប៉ូលិសបន្តថា
ចំណែករថយន្តមួយគ្រឿងទៀតម៉ាកហ៊ីណូ ពណ៌ខ្មៅ សណ្តោងរ៉ឺម៉កដឹកថ្ម
ពាក់ស្លាកលេខភ្នំពេញ 3A.8634 អ្នកបើកបររត់គេចខ្លួនបាត់ ធ្វើដំណើរបញ្ច្រាសទិសគ្នា។
សាក្សី
បានរៀបរាប់ប្រាប់ថា មុនពេលកើតហេតុពួកគាត់
បានឃើញរថយន្តម៉ាកលុចស៊ីសចំនួន២គ្រឿង ដោយរថយន្តពណ៌ខ្មៅបើកក្រោយ
និងពណ៌ពងមាន់បើកមុខ មកពីទិសខាងកើតទៅលិច
ខណៈពេលនោះរថយន្តលុចស៊ីសពណ៌ខ្មៅបានបើកឡើងវ៉ា
ស្រាប់តែមានរថយន្តសណ្តោងរ៉ឺម៉កដឹកថ្ម
មកពីលិចទៅកើតបញ្ច្រាសគ្នាមកដល់បានបុកគ្នាពេញមួយទំហឹង
បណ្តាលឲ្យរថយន្តលុចស៊ីស ពណ៌ខ្មៅក្រឡាប់ផ្ងារជើងខូចខាតទាំងស្រុង
និងរថយន្តលុចស៊ីសមួយគ្រឿងទៀតខូចខាតមធ្យម។ ប្រភពបន្តថា
ចំណែករថយន្តសណ្តោងរ៉ឺម៉កបែកកង់ធ្លាក់ស្នាមភ្លោះ
ជ្រុលចូលទៅរោងបញ្ចូលអាគុយទើបទៅមុខលែងរួច។
សាក្សី
បានបន្តថា ក្រោយពេលគ្រោះថ្នាក់ ជនរងគ្រោះជាច្រើននាក់
ត្រូវបានបញ្ជូនទៅកាន់មន្ទីរពេទ្យបង្អែក ខេត្តកំពង់ស្ពឺ
ដើម្បីជួយសង្គ្រោះជាបន្ទាន់ភ្លាមៗ
ហើយសមត្ថកិច្ចជំនាញបានចុះមកដល់ធ្វើចរាចរ
និងវាស់វែងតាមនីតិវិធីច្បាប់។
ចំពោះអ្នករងគ្រោះថ្នាក់មិនទាន់ដឹងចំនួនពិតនៅឡើយទេ
ព្រោះស្ថានភាពច្របូកច្របល់ពេក។
សមត្ថកិច្ច
ប៉ូលិសបានបញ្ជាក់ថា
យើងមិនទាន់ទទួលបានរបាយការណ៍ច្បាស់លាស់ពីចំនួនមនុស្សប៉ុន្មាននាក់
រងរបួសនៅឡើយទេ
ព្រោះអ្នករបួសបានបញ្ជូនទៅមន្ទីរពេទ្យអស់មុនពេលសមត្ថកិច្ចមកដល់។
បច្ចុប្បន្ន
ប៉ូលិសសំពុងតែចុះធ្វើការវាស់វែង
ត្រង់ចំណុចកើតហេតុដើម្បីរៀបចំកសាងសំណុំរឿងតាមផ្លូវច្បាប់រង់ចាំ
ការដោះស្រាយគ្នាតាមនីតិវិធី៕
រដ្ឋឋានៈ
