មនុស្ស៤១នាក់ ស្លាប់ក្នុងហេតុការណ៍ ធ្លាក់រថយន្ត ដឹកអ្នកដំណើរ នៅគេនយ៉ា

Friday, 30 August 2013 06:01 ប្រែសម្រួលៈ ដើមអម្ពិល(DAP) ID-067

Nairobi: មនុស្សយ៉ាង ហោចណាស់ ៤១នាក់ស្លាប់ កាលពីថ្ងៃព្រសហ្បតិ៍ កន្លងទៅនេះ ក្នុងហេតុការណ៍ ធ្លាក់រថយន្តដឹកអ្នកដំណើរក្នុងតំបន់ភាគខាងលិច រដ្ឋធានី Nairobi ប្រទេស គេនយ៉ាង។ នេះបើយោង តាមការលើកឡើង របស់មន្ត្រីកាកបាទក្រហម ប្រចាំប្រទេស គេនយ៉ា ។
ទីភ្នាក់ងារសារព័ត៌មាន Channnel News Asia ចុះថ្ងៃទី៣០ ខែសីហា

ឆ្នាំ២០១៣នេះបានឲ្យដឹងដោយលើកឡើង នូវសំដីរបស់មន្ត្រី ចរាចរណ៍របស់ប្រទេស គេនយ៉ា ឡោក Samuel Kimaru បាននិយាយតាមទូរស័ព្ទថា នេះជាហេតុការណ៍ ដ៏អាក្រក់មួយ
ហើយសាកសពបានរាយប៉ាយ ពាសពេញកន្លែងកើតហេតុ។
រថយន្តនេះបានធ្វើដំណើរពីទីក្រុង Nairobi ទៅកាន់ Homa Bay ខណៈដែលរថយន្តនេះបានរអិលធ្លាក់ពីលើ ដងផ្លូវ និងធ្លាក់តាមជំរាលផ្លូវ។
ប្រភពដដែលបានឲ្យដឹងថា វាពិបាកក្នុងការប្រាប់ពីអ្វីដែលបានកើតឡើងណាស់ តែមានការចង្អុលបង្ហាញថា គ្រោះថ្នាក់នេះបណ្តាលមកពីការធ្វើដំណើរហួសល្បឿនកំណត់ និងការផ្ទុកហួសចំណុះ។
ដោយឡែកប៉ូលីសបានប្រាប់សារព័ត៌មានថា អ្នកបើកបរអាចនឹងងងុយគេង ពេលកំពុងបើកបរ។ ប្រភព ដដែលបានឲ្យដឹងថា មនុស្ស៤១នាក់ស្លាប់ និង២៧នាក់រងរបួស។ ប្រភពព័ត៌មានពីសំណាក់កាកបាទក្រហម បានឲ្យដឹងថាហេតុការណ៍ បានកើតឡើងនៅវេលាម៉ោងប្រមាណជាពីរយប់ ដែលស្ថិតនៅចម្ងាយប្រមាណជា ១៦០គីឡូម៉ែត ភាគខាងលិចនៃទីក្រុង៕