កំពង់ចាម៖ សព្វថ្ងៃនេះ
រាជរដ្ឋាភិបាលបានដាក់ចេញនូវបទបញ្ជាយ៉ាងតឹងរ៉ឹងបំផុតអោយជំនាញរដ្ឋ
បាលព្រៃឈើធ្វើការបង្ក្រាបនិងទប់ស្កាត់ការកាប់បំផ្លាញ
និងដឹកជញ្ជូនឈើខុសច្បាប់ធ្វើយ៉ាងណាអោយខានតែបាន
តែផ្ទុយទៅវិញគេតែងសង្កេតឃើញថា ការកាប់បំផ្លាញនិងដឹកជញ្ជូន
ឈើគ្រប់ប្រភេទ មានសភាពកាន់តែរីកដុះដាលយ៉ាងសេរី
និងគគ្រឹកគគ្រេងខ្លាំងជាងមុនយ៉ាងអនាធិបតេយ្យទាំងយប់ទាំងថ្ងៃ
ហើយពុំដែលឃើញលោករស់ សារ័ត្ន
នាយផ្នែករដ្ឋបាលព្រៃឈើកាន់កាប់បីស្រុកគឺស្រុកមេមត់ ពញាក្រែក
និងស្រុកតំបែរ
មិនឃើញធ្វើការបង្ក្រាបបទល្មើសកាប់បំផ្លាញព្រៃឈើនិងការដឹកជញ្ជូនឈើ
ទាំងនោះសោះ
ឃើញតែបណ្តោយអោយកូនចៅរបស់លោកទៅយកលុយដាក់ហោប៉ៅទុកអោយលោករស់
សារ័ត្ន តែប៉ុណ្ណោះ។
ជាក់ស្តែងនៅក្នុងទឹកដីស្រុកមេមត់ មានពួកឈ្មួញដុះស្លែជាច្រើននាក់ រកស៊ីឈើគ្រញូងនៅស្រុក
ប្រភពពត៍មានបានឲ្យដឹងទៀតថា មិនតែប៉ុណ្ណោះនៅមានប្រភេទឈើលេខ២ ដែលដឹកតាមរថយន្តទួរីស ម៉ាកស៊ាំងយ៉ុង តូយ៉ូតាមួយបាំងកន្លះ រថយន្តកូរ៉េតូចធំគ្រប់ប្រភេទមួយយប់មួយថ្ងៃ មិនក្រោមពី៣០-៥០ឡាននោះទេ ហើយប្រភេទឈើលេខ២នេះ គឺឡានតូចមួយ ខ្លះបង់លុយអោយកូនចៅលោក រស់ សារ័ត្ន ចំនួនពី៦០,០០០ រៀល ទើបអាចដឹកជញ្ជូនឈើខុសច្បាប់នេះចេញពីទឹកដីរបស់គាត់បាន រីឯរថយន្តដឹកឈើគ្រញូងរបស់ឈ្មួញខាងលើប៉ុន្មាននាក់នេះ មិនដឹងជាត្រូវបង់ប៉ុន្មានទេ ទើបអាចធ្វើចរាចរណ៏បានយ៉ាងរលូនបែបនេះជាយូរឆ្នាំណាស់មកហើយ។ ចំណែកឯលោកប្រាក់ ណូម៉ា នាយខណ្ឌ រដ្ឋបាលព្រៃឈើខេត្តកំពង់ចាមវិញ ប្រហែលជាលោកបានទទួលលាភសក្ការៈ ពីលោករស់ សារ័ត្ន នាយផ្នែករដ្ឋបាលព្រៃឈើស្រុកមេមត់ហើយមើលទៅ បានជានៅសំងំស្ងៀមបែបនេះ។ គេនៅចាំបានថា ក្រសួងកសិកម្ម រុក្ខាប្រមាញ់ និង នេសាទ ក៏ដូចជាអនុសាសន៍ដ៏ថ្លៃថ្លារបស់សម្តេចអគ្គមហាសេនាបតីតេជោ ហ៊ុន សែន នាយករដ្ឋមន្ត្រីនៃព្រះរាជាណាចក្រកម្ពុជាបានប្រកាសជាសាធារណៈហាម មិនអោយមានការបន្តកាប់បំផ្លាញព្រៃឈើនិងដឹកជញ្ជូនឈើខុសច្បាប់គ្រប់ ប្រភេទឆ្លងដែនទៅប្រទេសក្រៅឡើយ ធ្វើយ៉ាងណាអោយអស់លោកសមត្ថកិច្ចជំនាញមេព្រៃត្រូវធ្វើការបង្ក្រាបនឹង ទប់ស្កាត់ បទល្មើសព្រៃឈើ អោយបានមិនអោយធូរលុងដូចមុនឡើយ។ដូចនេះសូមលោក ឆេងគឹមសុន ប្រតិភូរាជរដ្ឋាភិបាលទទួលបន្ទុកផ្នែករដ្ឋបាលព្រៃឈើមានវិធានការបែបណា ចំពោះមន្ត្រីដូចជាលោករស់សារ័ត្ននាយផ្នែករដ្ឋបាលព្រៃឈើដែល កាន់កាប់បីស្រុកខាងលើមានតួនាទីជាអ្នកទប់ស្កាត់នឹងបង្ក្រាប បទល្មើសដឹកជញ្ជូនឈើខុសច្បាប់ហើយបែរទៅជាឃុបឃិតស៊ីសំណូកសូកប៉ាន់ពី ក្រុមឈ្មួញរកស៊ីដឹកជញ្ជូនឈើបែបនេះទៅវិញតើច្បាប់ត្រូវមានវិធានការ បែបណាចំពោះមន្ត្រីនាយផ្នែករដ្ឋបាលព្រៃឈើដូចជាលោករស់សារ័ត្ននេះ?
អ៊ិត ប៊ុណ្ណា
