ភ្នំពេញ ៖ លោក ប៉ា សុជាតិវង្ស អភិបាលរាជធានីភ្នំពេញ បានជូបសំណេះសំណាល ជា មួយមន្ត្រីរាជការប្រមាណ២៥០នាក់ នៅខណ្ឌដូនពេញនិងមន្ដ្រីក្រោម ឱវាទសង្កាត់ទាំង១១ នារសៀលថ្ងៃទី០១ ខែសីហា ឆ្នាំ២០១៣ នេះ នៅសាលាខណ្ឌដូនពេញ ដោយផ្ដល់ឱវាទឱ្យមន្ដ្រី ថ្នាក់ខណ្ឌ សង្កាត់ចាប់ពីពេលនេះ ត្រូវបង្កើនសមត្ថភាពគ្រប់ កម្លាំងសមត្ថ កិច្ចត្រូវបន្តការថែរក្សា សន្តិសុខ សណ្តាប់ធ្នាប់សង្គម ហើយអាជ្ញាធរ ត្រូវ បន្តនិរន្តភាពការ ងារឱ្យបានល្អ និងធ្វើអំពើល្អឱ្យបានច្រើន ។
លោក ប៉ា សុជាតិវង្ស បានថ្លែងថា៖ កិច្ចការងារដែលនិងត្រូវធ្វើបន្តក្រោយ ពីការបោះ ឆ្នោតនេះ កម្លាំងសមត្ថកិច្ច ចម្រុះ ត្រូវតែបន្តការងាររបស់ខ្លួន ជាពិសេស ថែរក្សាសន្តិសុខ សណ្តាប់ធ្នាប់សង្គម ដើម្បីឲ្យមានស្ថេរភាពនយោបាយនៅមូលដ្នានបានល្អប្រសើរ ។ ជា មួយគ្នានោះដែរលោក ក៏បានផ្ញើរសារទៅកាន់មន្ត្រីរាជការ គ្រប់ជាន់ថ្នាក់ ត្រូវតែបន្តនិរន្ត ភាព ការងាររដ្ឋបាល ជាពិសេសនោះគឺពាក់ព័ន្ធ និងលិខិតស្នាម ធ្វើយ៉ាងណាផ្តល់លទ្ធភាព ងាយស្រួលដល់ ប្រជាពលរដ្ឋ និងដល់ជីវភាព ប្រជាពលរដ្ឋ ហើយម្យ៉ាងវិញទៀត រឿង កិច្ចការងារអាត្រនុកូលដ្ឋាន ត្រូវបន្តធ្វើជាធម្មតា ។
អភិបាលរាជធានីភ្នំពេញ លោក ប៉ា សុជាតិវង្ស ក៏បានធ្វើការអំពាវនាវដល់មន្ត្រី រាជការទាំងក្នុង សាលាខណ្ឌដូនពេញ និងមន្ដ្រី សង្កាត់ក្រោមឱវាទទាំងអស់ ពិសេសមន្ដ្រីនៅថ្នាក់រាជធានីភ្នំពេញ ចាប់ពីពេលនេះ តទៅ ត្រូវធ្វើការផ្លាស់ប្តូរឥរិយាបថ របស់ខ្លួន ធ្វើយ៉ាងណាឲ្យប្រជាពលរដ្ឋ ទទួលយកបាន ហើយ ក៏ត្រូវតែនាំគ្នាខិតខំធ្វើអំពើល្អដើម្បី លាងជម្រះចេញនូវការខ្វះខាត របស់ខ្លួនកន្លង មក។ ព្រោះយើងបានឆ្លុះបញ្ជាំងឱ្យឃើញតាមមរយៈ ទង្វើឆ្គាំឆ្គងមួយផ្នែកធំ ពីមន្ដ្រីនៅថ្នាក់ រាជធានី នៅថ្នាក់ខណ្ឌ និងសង្កាត់ កន្លងមកទៅលើបងប្អូនប្រជាពលរដ្ឋ នៅមូលដ្នាន ដោយ លោកបានបញ្ចេញបន្ដិតាមរយៈការបោះឆ្នោតនេះតែម្ដង ៕
