- Friday, 02 August 2013 11:08
- សុខ ធារ៉ា
សូមបញ្ជាក់ថា កាលពីថ្ងៃព្រហស្បត៏កន្លងទៅនេះ Edward Snowden បានចាក់ចេញពីព្រលានយន្តហោះក្នុងទីក្រុងមូស្គូទៅហើយ ក្រោយពីទទួលបានសិទ្ធជ្រកកោន។
រដ្ឋាភិបាលរបស់ប្រទេសរុស្ស៊ីបានសម្រេចផ្តល់សិទ្ធជ្រកកោនដល់ Edward Snowden រយៈពេលមួយឆ្នាំ ពោលគឺចាប់ពីថ្ងៃទី ៣១ខែកក្ដដា ឆ្នាំ ២០១៣ ហើយផុតបំផុតនៅថ្ងៃទី ៣១ ខែកក្ដដាឆ្នាំ ២០១៤។ នេះបើតាមការអះអាងពីមេធាវីរបស់Edward Snowden ដែលបានប្រាប់ទៅកាន់អ្នកសារព័ត៌មាន។
មេធាវីរបស់Edward Snowden ដដែលក៏បានបន្ថែមថា Snowden បានចាក់ចេញពីព្រលានយន្តហោះក្នុងទីក្រុងមូស្គូទៅហើយកាលពីថ្ងៃ ព្រហស្បត៏តែមិនបញ្ជាក់ពីទីកន្លែងឲ្យលម្អិតនោះទេ គ្រាន់តែប្រាប់ថាបានទៅរកកន្លែងសុវត្ថិភាពដើម្បីស្នាក់នៅហើយ។
ស្របពេលដែល Edward Snowden ទទួលទទួលសិទ្ធជ្រកកោនពីរុស្ស៊ីរយៈពេលមួយឆ្នាំបែបនេះ ខាងរដ្ឋាភិបាលរបស់សហរដ្ឋអាមេរិកក៏បានបង្ហាញពីប្រត្តិកម្មរបស់ ខ្លួនទៅលើរុស្ស៊ីភ្លាមៗនោះទេ ដោយបញ្ជាក់ពីភាពខនចិត្តយ៉ាងខ្លាំងចំពោះរុស្ស៊ី។
ដើម្បីសម្តែងនូវការមិនពេញចិត្តនេះ សេតវិមានរបស់អាមេរិកបានប្រកាសថា ខ្លួននឹងធ្វើការគិតពិចារណាអំពីភាពចាំបាច់នៃការធ្វើជំនួបរវាង អាមេរិករុស្ស៊ី នៅខែកញ្ញាខាងមុខនេះ ឬយ៉ាងណាទេ។
ចាប់តាំងពី Snowden បានធ្វើដំណើរពីទីក្រុងហុងកុងមកកាន់រុស្ស៊ីកាលពីថ្ងៃទី២៣ ខែមិថុនា ដើម្បីរត់គេចពីការតាមចាប់ខ្លួនរបស់អាមេរិកមកលោកបានស្ថិតនៅ ក្នុងព្រលានយន្តហោះក្នុងទីក្រុងមូស្គូនោះរហូតមកដោយសារតែមិនមាន ឯកសារផ្លូវច្បាប់គ្រប់គ្រាន់ព្រោះ ខាងរដ្ឋាភិបាលអាមេរិកបានដកហូតអស់ទៅហើយ និងម្យ៉ាងទៀតក៏បារម្មអំពីបញ្ហាសន្តិសុខផងដែរ។
សូមបញ្ជាក់ថា Edward Snowden គឺជាអតីតមន្ត្រីCIAរបស់អាមេរិក ហើយលោកបានធ្វើការទំលាយនូវអាថ៏កំបាំងជាច្រើនប្រាប់ទៅកាន់ ពិភពលោក ចំពោះករណីរដ្ឋាភិបាលរបស់អាមេរិកបានធ្វើរឿងមិនល្អ។ ប្រការនេះហើយដែលធ្វើឲ្យរដ្ឋាភិបាលអាមេរិកបានព្យាយាមចាប់ខ្លួន រហូតមក៕(ដោយៈអ៊ុន រស្មី)
