Sony Honami ​​កាមេរ៉ា​ 20MP ​​​ដំណើរការ​​ដូច​​ជា​ Xperia Z (វីឌីអូ​)

ដោយ Hok  8 ខែ​សីហា 2013

ទូរស័ព្ទ ​ទំនើប Sony Honami ឬ Xperia i1 ​​ដែល​ល្បី​ថា​បំពាក់​ដោយ​កាមេរ៉ា​ដែល​មាន​ទំហំ 20MP ត្រូវ​បាន​គេ​រំពឹង​ថានឹង​ត្រូវ​ប្រកាស​ចេញ​នៅ​ក្នុង​ពិពណ៌ពាណិជ្ជកម្ម​ អន្តរជាតិ IFA នា​ខែ​ក្រោយ​នេះ​ហើយ ។ យ៉ាង​ណា​មិញ​បន្ទាប់​ពី​ទទួល​បាន​នូវ​លក្ខណសម្បត្តិ និង​រូប​ភាព​ជា​ច្រើន​នៃ​ទូរស័ព្ទ​ Sony Honami ពេល​នេះ​យើង​ទើប​ទទួល​បាន​នូវ​វីឌីអូ​ថ្មី​ដែល​ធ្វើ​ការ​បង្ហាញ​ពី​​​ សកម្មភាព​​ដំណើរ​ការ​​នៃ​កម្មវិធី​ផ្សេងៗ​ដែល​មាន​​​​នៅ​ក្នុង​ទូរស័ព្ទ​នេះ ។


នៅ​ក្នុង​ការ​​បង្ហាញ​ពី​ប្រព័ន្ធ​ដំណើរការ ឬ​ហៅ​ថា ROM ​នៃ​ទូរស័ព្ទ Sony Honami ​អ្វី​ដែល​គេ​ចាប់​​

អារម្មណ៍​ជាង​គេ​​ចំពោះ​សកម្មភាព​ផ្សេងៗ​នៃ​កម្ម​វិធី​ ទាំង​នោះ​គឺ ​​មុខ​ងារ lockscreen widgets, phonebook app ជា​មួយ​នឹង​ការ​តម្រៀប​ឈ្មោះ​​​ដែល​មាន​ការ​ពង្រីក​អក្សរ​ពេល​ scroll, toggle drawer ​មាន​ភាព​រហ័ស​ក្នុង​ការ​បង្ហាញ​កម្មវិធី​ផ្សេងៗ ​និង​ចុង​ក្រោយ​គឺ​​  “windowed’  ​នៃ​កម្មវិធី camera ។

លក្ខណសម្បត្តិ​​ Xpeira i1 ៖​

• អេក្រង់ 5-inch
• កម្រិត​ភាព​ច្បាស់ Full HD (1080p)
• កាមេរ៉ា​​ថត​រូប​ 20.7MP ​និង 2MP សម្រាប់ Webcam
• CPU 2.2GHz Qualcomm Snapdragon 800
• RAM 2GB
• បំពាក់​ដោយ NFC
• អង្គ​ផ្ទុក​ទិន្នន័យ​ជាប់​ម៉ាស៊ីន 16GB មាន​បន្ថែម microSD card
• ថាមពល​ថ្ម 3000 mAh

សូម​បញ្ជាក់​​ថា លក្ខណសម្បត្តិ​បច្ចេកទេស​របស់​ទូរស័ព្ទ Sony Xperia i1 ឬ​ Sony Honami ​ខាង​លើគ្រាន់​តែ​ជា​​អ្វី​ដែល​យើង​ទទួល​បាន​ពី​ពាក្យ​ចចាមអារ៉ាម​ប៉ុណ្ណោះ ។ យ៉ាង​ណា​មិញ​​យើង​នឹង​ដឹង​លក្ខណសម្បត្តិ​ពិត​របស់​ទូរស័ព្ទ​នេះនា​ខែ​ក្រោយ ៕
ប្រភព​