ទើប​នឹង​ប្រកាស​ចេញ​ទូរសព្ទ​ម៉ូដែល​ ចុងក្រោយ​របស់​ខ្លួន​គឺ iPhone 5s និង​ 5C ​កាល​ពី​រំលង​អាធ្រាត ឥលូវ​​ក្រុមហ៊ុន​ Apple ​បង្អួត​ជើង​ទម្រ​ថ្មី​មួយ​ទៀត​ សម្រាប់​ប្រើ​ជា​គូ​​ទូរសព្ទ​ iPhone ស៊េរី​ថ្មី​ទាំងពីរ​ម៉ូដែល​នេះ​​​ឲ្យ​អ្នក​ប្រើប្រាស់ងាយស្រួល​​ចុចលេង​ផង​ និង​សាក​ថ្ម​បណ្ដើរ​​​​ផង។
អាន៖ Apple​​ ប្រកាស​ iPhone 5C ជា​ផ្លូវការ​កណ្ដាល​យប់​មិញ

ជើង​ទម្រ​សម្រាប់​ iPhone ​ពីរ​ម៉ូដែល​ខាង​លើ​ត្រូវ​គេហទំព័រ​ gsmarena ​រាយការណ៍​ថា ​​ស្ថិត​​ក្នុង​តម្លៃ​ដ៏​​សមរម្យ​មួយ​គឺ​ ២៩ ដុល្លារ​ ។ ជើង​ទម្រ​នេះ​ខុស​គ្នា​បន្តិច​​ដោយ​ជើង​ទម្រ​ ​ iPhone 5c មាន​រន្ធ​ដោត​ធំ​ជាង​ជើង​ទម្រ​ iPhone 5s បន្តិច ។​​ កាន់​តែ​អស្ចារ្យ​ក្រៅ​ពី​ការ​ដាក់​បញ្ឈរ ​និង​សាកថ្ម​ ​ ​Gadget ថ្មី​ក៏​មាន​រន្ធ​អាច​ឲ្យ​អ្នក​ដោត​បន្ត​ទៅ​កាន់​ Speaker ​ខាងក្រៅ​​ដើម្បី​ស្តាប់​ចម្រៀង​បាន​យ៉ាង​ងាយស្រួល​ផង​ដែរ។
ប្រភព​មិន​បាន​បញ្ជាក់​ពី​កាលបរិច្ឆេទ​ ជាក់លាក់​នៃ​ការ​ចេញ​លក់​ជើង​ទម្រ​នេះ​ទេ ​ប៉ុន្តែ​បាន​លើកឡើង​ថា ​ប្រហែលអាច​នឹង​ចេញ​ដំណាល​គ្នា​នឹង​ការ​ដាក់លក់ iPhone 5s និង​ 5C ​នា​ពេល​ខាងមុខ​ដែរ៕
ប្រែ​សម្រួល៖ ដារ៉ាឆានី
ប្រភព & រូបភាព៖ gsmarena