ភ្នំពេញ
៖ យោងតាមរបាយការណ៍ពីនាយកដ្ឋានសណ្តាប់ធ្នាប់
នៃអគ្គស្នងការដ្ឋាននគរបាលជាតិប្រាប់ថា កាលពីថ្ងៃទី២ ខែកញ្ញា
ឆ្នាំ២០១៣ មានករណីគ្រោះថ្នាក់ចរាចរនៅទូទាំងប្រទេសកើតឡើង ០៨លើក (យប់)បណ្តាលឲ្យមានមនុស្សស្លាប់ ម្នាក់(ប្រុស) និងរងរបួសស្រាល ០៣នាក់(ប្រុស) របួសធ្ងន់ ០៨នាក់ (ស្រី ០៣នាក់)។
ប្រភព
ព័ត៌មានខាងលើប្រាប់បន្តឲ្យដឹងថា
នៅក្នុងហេតុការណ៍គ្រោះថ្នាក់ចរាចរទាំង០៨លើកនេះ
បានបង្កឲ្យមានការខូចខាតយានយន្តសរុប ១៣គ្រឿង ក្នុងនោះម៉ូតូ
០៦គ្រឿង រថយន្តធុនតូច ០៦គ្រឿង និងរថយន្តធុនធំ ០១គ្រឿង។
របាយការណ៍ពីនាយកដ្ឋានសណ្តាប់ធ្នាប់
នៃអគ្គស្នងការដ្ឋាននគរបាលជាតិបង្ហាញទៀតថា
មូលហេតុដែលបង្កឲ្យកើតមានករណីគ្រោះថ្នាក់ចរាចរ គឺបណ្តាលមកពីល្បឿន
០២លើក មិនប្រកាន់ស្តាំ ០១លើក ប្រជែងគ្រោះថ្នាក់ ០១លើក
បត់គ្រោះថ្នាក់ ០១លើក និងស្រវឹង ០៣លើក
ក្នុងនោះជិះម៉ូតូគ្រោះថ្នាក់មិនពាក់មួក ០៦ នាក់ (យប់)។
តាម
ការឲ្យដឹងពីនាយកដ្ឋានសណ្តាប់ធ្នាប់
នៃអគ្គស្នងការដ្ឋាននគរបាលជាតិប្រាប់បញ្ជាក់ថា កាលពីថ្ងៃទី០២
ខែកញ្ញា ឆ្នាំ២០១៣នេះ រថយន្តដែលទទួលរងការផាកពិន័យនៅអង្គភាព
មានចំនួន ៤២គ្រឿង គឺរថយន្តដឹកទំនិញធុនធំ៣៦ គ្រឿង
និងរថយន្តដឹកទំនិញធុនតូច ០៦គ្រឿង
ហើយរថយន្តទាំងអស់ខាងលើបានបង់ប្រាក់ពិន័យរួច
រាល់នៅស្នងការដ្ឋាននគរបាលខេត្ត ក្រុង០៦គ្រឿង និង
នៅនាយកដ្ឋានសណ្តាប់ធ្នាប់ ៣៦គ្រឿង៕
រ៉ាវុទ្ធ
